Bajarê Marsilya yê Fransa û bajarê Kielî yê Almanya de semedê yadkerdişê şehîdanê Kurdîstanî aktîvîteyê yadkerdişî ameyî kerdene.

Merkezê Komelê Demokratîkî yê Kurdan ê Marsilya de semedê gerîlayanê ke Herêmê Pawitişî yê Medya de pê çekanê kîmyewîyan şehîd bîyî, 34 kesê ke zafê înan doman bî, pê teyarayanê şerî yê dewleta tirke Roboskî de şehîd bîyî, şehîdê Parisî Evîne Goyî, Mîr Perwer û Abdurrahman Kizilî aktîvîteya yadkerdişî ameye kerdene.

Qiseykerdişanê bi nameyê merdimanê şehîdan de nê ameyî vatene: ''Qirkerdişî nênî zelalkerdene, dewayî yenê qefilnayene û serê qirkerdişan yeno girewtene. Kesê ke wazenê nê dewayî bêrê zelalkerdene, yenê qetilkerdene, tehdîtkerdene, remnayene, destbendkerdene û tepiştene. Heta ke nê qirkerdişan de nêro têrî, hesabê nê qirkerdişan mero persayene ameyox nîno înşakerdene û edalet nîno caardene. Ça beno wa bibo ma do  tim vera qirkerdişan û polîtîkayanê îşxalî têkoşîn bikerê  û wayîrê şehîdanê xo bivejîyê.''

Merkezê Komelê Demokratîkî yê Kurdan ê Kiel de zî semedê yadkerdişê şehîdanê wird Qirkerdişanê Parisî aktîvîteyêke ameye kerdene. Akvîte de ame vengdayene ke wa vera hêrişan têkoşîn bêro xurtêrkerdene.