Meclîsê Cinîyan ê HDPyî derheqê remayîşê endama Meclîsê Partîye Hatîce Buşra Kuyun de eşkerayîye daye. Eşkerayîye de ame parekerdene ke endama Meclîsê Partîye Kuyun rojêke Wan de heta kesan ra ke xo sey polîs da şinasnayene ameye remnayene û seba ke Wan biterikna ci rê gef ame wendene.

Eşkerayîye de ame vatene: ''Ma zanenê ke hêrişê destbendkerdişî, polîtîkaya vînkerdişî hetê hîşmendîya serdestîya camêrdan ra yenê kerdene û o yewin nîyo. Ma baş zanenê ke cinîyê ke vera polîtîkayanê cînsîyan, faşîzanan wurzenê payan ser benê hedefê gefê winasênî. Remnayîş û gefwendişê embaza ma Buşra polîtîkaya vînkerdiş û polîtîkaya dişmenîye ya vera kurdan û cinîyan a îqtîdarî ra cîya nîya. Buşra embazêka ma ya ke Meclîsê Partîye de ca gêna û karanê ciwanan kena. Êyê ke têkoşînê ci ra tersenê wa nêvajê ke embaza ma Buşra têna ya. Îqtîdar keno ke pê gef û şantajan sereyê cinîyan bîyaro war. Ma zî ci rê vanê ke Ma do qet rayîr nêdê nê polîtîkayanê şima.''