Mûş, Amed û Wan de hêrişê vera goran zêdîyenê. Hetê bînî ra nêrazîbîyayîşê vera nê hêrişan zî dewam kenê. Verê cû zî MEBYA-DERî pê eşkerayîyêke vera hêrişanê goran, şiknayîşê kerrayanê goran û keyeyan rê gefwendişî nêrazbîyayîşê xo mojnabi.  

Xeylêk sîyasetmedaran medyay komelkîye de hesabanê xo yê twitterî ser o nêrazîbîyayîşê xo pê tagê ''Gorê mi erjê min o, dest pa mede'' mojna hêrişanê vera goran.

vilakerdişanê sîyasetmedaran ra beşêk wina yo: 

Merale Daniş Beştaş: ''Pêro dinya vera vîrusê Korona têkoşîn kena la AKP têna vera hemwelatîyan û mergan têkoşîn keno. Vera goran hêriş yeno kerdene û ceza dîyena keyeyanê goran. Goran zî rehet nêverdenê.

Dersime Dag: ''Îqtîdaro AKP-MHP yo ke nêeşkenê tehamulê goranê kurdan zî bikerê, peynîya peynîye de do hesabê nê kerdişan bido. Nê kerdişê şima nîşanê hîşmendîya şima ya pûçe yo.

Ayşe Surucu: ''Têgêrayîşê vera cenazayan, têgêrayîşê vera merdimîye yo. Texrîbkerdişê goran sûcêkê merdimîye yo. ''

Zuleyha Gulum: ''Nê îqtîdarî cenazayêke pê kargo keyeyê ci rê erşawite. Qîm nêkerdo ke keyeyan rê gef waneno. Dişmenîya vera kurdan nêqedîyena.''

Remzîye Tosun: ''Dişmenîya vera kurdan do biba semedê şima... ''

Semra Guzel: ''Ziwanê kurdkî qedex nîyo. Herfê W, Q û X kurdkî de ca gênê. Ziwanê merdiman rûmetê merdiman o.''