Hadî Elçîçek, Kuling Sevîlen û Salîh Tugrul hetê Mehkemeya Asayîşî ya Dewlete (DGM) ra serranê 1990an de ameybî tepiştene û cezaya îdamî dîyabî înan.  Mehkemeya Heqanê Merdiman a Ewropa (MHME)  dewaya nînan de Tirkîya madeya 'muhakemekerdişo edîl ameyo binpaykerdene' mehkum kerde.

Naye ra dima dewa Mehkemeya Cezaya Girane ya 4. Amedî de ancî dîyaye destpêkerdene. Salîh Togrul nêweşîya xo ra 2014 de vera dîyabi, Kuling Sevîlen zî serra 2015î de Zîndanê Bandirma de krîzê qelbî ra dinyaya xo bedilnabî.

Roniştişê dewaya Hadî Elçîçekî û Salîh Togrulî ame kerdene. Elçîçek seba ke sîstemê SEGBÎSî de problem virazî nêeşka tewrê roniştişî bibo.

Peynîya roniştişî de heyetê mehkeme bire daye ke ganî înfazê serê Hadî Elçîçekî bêro vindarnayene.