Çarçaweya cipersayîşê ke hetê Serdozgerîya Komare ya Anqara ra yeno rayraberdene de polîsan Anqara de eşt buroyê Ajansê Xeberan ê Mezopotamya (MA) ser û Amed, Wan, Mêrdîn, Riha, Îstanbul û Anqara de eşt  keyeyanê muxabîranê MA û JinNewsî ser.

Sereştişê polîsan de Mudira Karanê Nuştişî ya MA Dîrene Yurtsever Îstanbul de ameye destbendkerdene. Muxabîra MA Zemo Aggoz Anqara de ameye destbendkerdene.

Muxabîrê MA Selman Guzelyuz Pêyasê Amedî de keyeyê ci de, Hakan Yalçin Wan de keyeyê ci de ameyî destbendkerdene. Sereştişan de kovara Modernetîya Demokratîke û Jineolojî û xeylêk kitabî ameyî destsernayene. Riha de zî Muxabîrê MA Emrullah Acar û Ceylane Şahinli zî ameyî destbendkerdene.

Muxabîrê JinNewsî Habibe Eren  û Derya Ren zî  Amed de sereştişê polîsan de ameye destbendekerdene. Çarçeweya eynî cipersayîşî de Muxabîra JinNewsî Oznure Deger zî Qoserê Mêrdînî de ameye destbendkerdene.