Endamê Komîteya Merkezî ya PKKyî Nedîm Sevenî derheqê serrgêra Komployê Mîyanneteweyîyî yê 15ê Sibate de ANFyî rê qisey kerd.Qiseykerdişê Nedîm Sevenî ra qismêk wina yo:

''Rayber Apo bi Komployê Mîyanneteweyîyî û metodanê Gladioyî teslîmê dewleta tirke bi. Hem şarê kurdî û Têgêrayîşê Azadîye hem zî heme dostê kurdan şok bîyî. Çunke ma her çîyî Rayber Apoyî ra mûsaybî. PKK, ERNK û ARGK û heme rêxistine şorişîgêrî bi metodanê şorişgêrî yê Rayber Apoyî ameyêne îdarekerdene. Rayber Apoyî bisabir û qeradarîye vera sîstemê qikerî xover da. Vera îşkenceyê faşîzmî sereberz vindert. Bi serran binê tecrîdê giranî de mend. Rixmê nê zext û îşkenceyan nêeşkayî îradeyê Rayber Apoyî bişiknê. Rayber Apoyî heme hesabê înan xeripnayî. Rayştîya Rayberîye reyna ameye îspatkerdene. Rêxistina ke Rayberîye naye ro xeta ey de heta ewroyî semedê azadîya ey têkoşîn kerd.  1993yî ra nata Rayberîye cehd keno ke bi muzakere, metodanê demokrasîyî mesele çareser bikero û xetêka têkoşînî pêard. Ewro no proses dewam keno.

Têgêrayîşê Azadîye her serre, her kongre de xeta Rayberîye de qerarê neweyî girewtî û gamê neweyî eştî. Tewr peynî de 10ê teşrîna verêne ya 2023yî de 'Rayber Apoyî rê azadîye, Kurdîstanî rê statu' dîyaye destpêkerdene. Na hemle hetê şaranê Kurdîstanî û dostanê ci ra ameye destpêkerdene. Heta ke azadîya fîzîkîye ya Rayberîye nêro caardene ma do muzakere, çareserî û gamê ke yenê eştene qebul mekerê. Dewleta tirke, hukmatê AKPyî û Devlet Bahçelî peynî mecbur mendî şîyî linganê Rayberîye ver. Şima zanê 2015î ra heta 2025î 10 serrî bi konseptê înkar, îmha û qirkerdişî ravêrtî. Nê demî de bi operasyonanê îmha û îşxalî ame waştene ke Têgêrayîşê Azadîye bêro çînkerdene û îradeyê şarê kurdî bêro şiknayene û Rayber Apo bêro bêtesîrkerdene. Ewro şer dahîna giran dewam keno.vHêzê ma est o ke şerê xopawitişî rayra berê la ma eşiqê şerî nîyê, ma xo pawenê. Eke şima qala muzakere kene, ganî şima kayan caverdê. Hukmatê AKPyî 23 serrî yo eynî kayan kay keno la hinî şansê înan nêmendo ke kayanê xo rê dewam bikero.

Bi wesîleya serrgêra 27. ya komployî Rayberîye do eşkerayîye bido. Ma zî na eşkerayîye pawenê. Tay meseleyî têna bi eşkerayîye nêeşkenê bêrê çarserkerdene la ma rêça Rayber Apoyî de yê. Eke şertê weşî, asayîş û azadîya fîzîkîye nêrê caardene alternatîfê cîyayî yê Têgêrayîşê Azadîye zî est ê.  Rojhelatê Mîyanênî de hinî hemsencîyê sîyasîyî sey verî nîyê. Yeno vînayene ke hêzê hegemonîkî Rojheatê Mîyanênî de semedê gaz, petrol û xetanê enerjî senî poltîkayan rayra benê. Têgêrayîşê Azadîye netîceya têkoşînê wina girdî de xora bêalternatîfî nîya. Senî ke fermandarîya ma zî vat alternatîfê ma zî est ê.  Çew nêeşekno hêzê çareserî yê Rayber Apoyî semedê menfeatê xo yê sîyasîyî bişuxulno.

Ganî tewr verî şertê cuye yê Rayberîye bêrê bedilnayene û azadîya ci ya fîzîkîye bêra caardene.  Ma sey şarê kurdî bi Rayber Apoyî newera ganî bîyî. Ma do pîya bi ey ver bi azadîye rayra şirê. Rayber Apoyî 15ê Sibate sey roja qirkerdişê kurdan name kerd. Çunke a roje serkêşê Serewedaritişê Şêx Seîdî ameybî îdamkerdene. No tarîxê destpêkerdişê qirkerdişî yo. Rojêka sîya ya. Hêvîya ma a ya ke bi vengdayîşê Rayberîye na roja tarî biba roja roşte. Nika prosesêk est o. Ma zî çapemenîye ra seyr kenê. Ma têna partî nê eynî wextî de rêxistinêk ê. Ma tesîrê sîyasetê Kurdîstan, Rojhelatê Mîyanênî û dinya kenê. Coka ma peyê heme vengdayîş eşkerayîyanê Rayber Apoyî de yê. La têna bi pêvînayîşan nêbeno. Eke meseleya yena çareserkerdene ganî serrgêra 27.  ya komployî de xerîtaya haştîye û çareserîya demokratîke bêro eşkerakerdene.  Ganî ma zî her warî de têkoşînî xurtêr bikerê. Hêvîya ma a ya Rayber Apo Newroze de hetê fizîkî ra bibo azad. No waştişê heme şorişgêran o.''