Hemşara Bajarê Pîlî yê Wanî Neslîhane Şedal derheqê  cezaya ke dîyaye Hemşaredarê Wanî Abdullah Zeydanî  de ANFyî rê qisey kerd nê vatî:

''Îqtîdarê sîyasîyî vera destkewteyan û îradeyê şarê kurdî hêrişêk dayo  destpêkerdene û nê polîtîkayan ser o wazeno xo bido ciwîyayene. Xeylê wexto vera  şarê kurdkî hêriş û xesp est o. Çi heyf ke huqûq û qanûn vera kurdan û kesanê ke demokrasî û edalet wazenê cîya yenê caardene.  Hinî bîyo ke nika eke merdim vajo şar nêwazeno no zî sey sûcî yeno hesibnayene. Waştişê haştîye zî sey sûcî yeno hesibnayene. Bîlasebeb ceza dîyaye hemşaredarê ma. Şexsê hemşaraderê ma de yeno waştene ke îradeyê şarî kurdî çîn bêro hesibnayene. Bi cezaya ke dîyaye hemşaredarê ma wazenê şarê kurdî ceza bikerê. Şarê Wanî wayîrê îradeyê xo vejîyeno.

Îqtîdarê AKP-MHPyî hazirîya xo keno hêrişê Şaredarîya Bajarê Pîlî yê Wanî bikero. Ganî her kes vera na bêedaletîye û bêhuqûqîye vengê xo berz bikero û vajo vinder. Ma senî ke wextê xespkerdişê mabata de bi ruhê paştdayîşî serkewtî nika zî paştdayîşo komelkî eşkeno Wanî bixelisno. Waştişê şarî zaf zelal o. No şar qeyûman hol şarisneno. Coka vera qeyûman xover dano. No şar do destûrê zîhnîyetê dizdîye, talan û qirkerdişî medo. Ma veng danê heme şarê Wanî ke wa tewrê nobete bibo û wayîrê îradeyê xo bivejo.''