Partîya Kede (EMEP), Partîya Têgêrayîşê Kedkarî (EHP), Halkevleri, HDP, Federasyonê Meclîsanê Sosyalîstan (SMF), Partîya Karkeran a Tirkîya (TÎP) û Partîya Azadîya Komelî (TOP)  pîya Konferansê 'Seba Ameyoxê Tirkîya Vîr, Heqîqat, Têrîameyîş' viraşt. Salona konferansî ya Merkezê Kongre ya Odaya Muhendisan a Anqara de fotografê Mayanê Haştîye, Qezaya Trenî ya Çorluyî, Qirkerdişê Soma, Xoverdayîşê Gezî, Qirkerdişê Roboskî, Qirkerdişê Pirsûsî, Qirkerdişê Garî, Tahîr Elçî, Hrant Dînk û Emîne Şenyaşarî daliqîyayî. 

Konferansî ra dima netîcename ame vilakerdene.

Netîcename de ame vîrvistene ke qirkerdişan de xeylêk merdimî kişîyayî. Netîcename de wina ame vatene: ''Sîstemo nikayên cinîyan bindest keno, înan kişeno, heqanê kurdan nêdano, elewîyan nêşinasneno. Heqîqatê na raştîye şero taybet, kontragerîla, mafya û cergî yê. Nê sîstemî çim verdayo erdê şaranê bînan û xozaya gandarî qir keno.

 Bêrê ma pîya rojanê verê ma  bivurnê, bi heqîqatî newe ra ameyoxî awan bikerê, bêrê têrî, mesuldaran ra hesab bipersê. Ma vîrê xo bikerê hempar, raştîye vajê, pîya hesab bipersê, têkoşîn bikerê û bivurnê. Seba kede, edalet, têdûştîye, azadîye, haştîye û demokrasî bibê yew. Yewîya xo awan bikerê. Ma Tirkîyaya ameyoxî pîya awan bikerê.''