Vizêr paytextê Lubnanî Beyrud de konferansê dîyalogî yê Lubnan-Kurdan ê bi sernameyê 'Cuya Hempare û Ver bi Hemwelatbîyayîşê Têdûştî'  ame kerdene. Konferansî armanc kerd ke têkilîya mabênê kurdan û ereban xurt bikero.

Konferansê dîyalogî yê Lubnan-Kurdan ra pey netîcenameyê ci ame eşkerakerdene. Netîcename hetê Serekê Komeleya Kulturî ya Newroze Cemal Hesenî ra ame wendene.

Netîcenameyê konferansî wina yo:

''Konferans prosesêkê tarîxî de ame kerdene. Konfernasê ma binê versîya krîz û nakokîyanê herême de ame kerdene. Konferans de 11 madeyî vejîyayî vernî. Nê madeyî wina yê:

-Konferans soz dano ke pêro kulturan aver bero û pêro nasnameyan qebul bikero.

-Konferans tesdîq keno ke pêro meseleyê Lubnan û Rojhelatê Mîyanênî bi dîyalogî çareser bibê. Meseleyî pê şîdet û çekan çareser nêbenê. 

-Armancê konferansî pawitişê erjanê hemparan ê kulturel, sîyasî û komelkîyan o.

-Konferans hewce vîneno ke mabênê şaran de dîyalogê kulturî bêro xurtkerdene.

-Konferans sîyasetê sey neteweperestî, nîjadperestî û bawerîperestî îfşa keno.

-Konferans azadîya cinîyan teşwîq keno û vera şîdetê serê cinîyan vindeno.

-Konferans hêrişanê dewleta tirke yê vera herême û kontekstê ci yê 'Nêm-Osmanîtîye' red keno.

-Konferans soz dano ke sîyasetê merkezperestîye red bikero.

-Konferans demokrasî û modelê xoserîya demokratîke qebul keno û nînan sey tek rayîrê çaresserîye vîneno.

-Konferans girîngîye dano têkilîya ereb û kurdan û pêro şaran.

-Konferans eke yew mesele yan zî nakokîyêke biqewimîya bi mekanîzmaya xo ya tesdîqî dîyalogê zelalî şinasneno.