Nobeta Azadîye ya ke 25ê hezîrana 2012î de hetê Înîsîyatîfê Abdullah Ocalanî rê Azadîye rê seba azadîya Rayberê Şarê Kurdî Abdullah Ocalanî dîyabî destpêkerdene, dewam kena.

Hewteyê 518. de endamanê Merkezê Komelê Demokratîkî yê Kurdan ê Strasbourgî kurdîstanijan Alî Donmez, Îsmaîl Gumuş û Vedat Aydin nobete dewr girewte.

Alî Donmezî nameyê kome ser o qisey kerd û vat: ''Bingeyê paradîgmaya Rayber Apoyî û kulturê xoverdayîşî yê Têgêrayîşê Azadîye yê Kurdan de çalakîya ma bi serran o bi îradeyêkê pîlî dewam kena.

Bi na hişmendî û bawerîye ma çalakîya xo kenê û qerardar ê ke heta caardişê azadîya Rayberê xo têkoşîn bikerê.'' Donmezî sey çalakîkerê Nobeta Azadîye dîyar kerd ke ê xoverdayîşê tarîxîyî yê gerîlayan ê vera hêrişanê îşxalî selam kenê.

Donmezî venga pêro kurdîstanijan da ke wayîrê xoverdayîşê gerîlayan vejîyê û çalakîyanê xo bizêdînê.