Nobeta edaletî ya keye û merdimanê tepişteyan Amed de roja 205. de dewam kena. Merdim û keyeyanê tepişteyan verê Dezgehê Tipê Edlîyî de bi beşdarîya MEBYA-DER, MED TUHAD-FED, TUAY-DER, DBP û OHDyî çalakîya xo kerde.

Merdimanê tepişteyan ra Herdeme Merwanî çalakîye de qisey kerd û vat: ''Waştişê ma eşkera yê. Ma wazenê tepişteyê nêweşî û êyê ke cezaya xo temam kerda wa vera bidîyê. Tepişteyî bi raporanê Dezgehê Tipê Edlîyî vera nêdîyenê. Wa vengê ma bêro eşnawitene. Sozê ke dîyayê ma nêameyî caardene. Heta ke waştişê ma bêrê caardene, ma do meydanan de bibê.''