5ê hezîrana 2012î ra nata verê Konseya Ewropa ya Strasbourgî de semedê azadîya Rayberê Şarê Kurdî Abdullah Ocalanî çalakîya Nobeta Azadîye yena kerdene.

Hewteyê 495. de endamanê Komelê Demokratîkî yê Kurdan ê Baselî Mehmet Taş, Selman Orge û Mazlum Kocakayayî nobete dewr girewte. Nameyê kome ser o Mehmet Taşî qisey kerd.

Taş da zanayene ke kurdî 10 serrî yo heman cayî de seba azadîya Abdullah Ocalanî qîrenî. Mehmet Taşî îfade kerd ke şarê kurdî bi na çalakîya nobete venga Ewropa dana ke wa qanûnê xo yê bingeyî bîyara ca, Tirkîya rê teda bikera ke goreyê qanûnan têbigêra.

Mehmet Taşî vat: ''Bi rayîrê na çalakîya xo ma sîyasetê dirîyî yê Ewropa fînenê rîyê înan.'' Taşî pare kerd ke Komployo Mîyanneteweyî şexsê Ocalanî de vera pêro merdimîye ame kerdene û sucê merdimîye yo.

Mehmet Taşî vat: ''Heta ke Rayberê ma azad nêbo ma şarê kurdî zî azad nêbenê. Heta Rayber Apo azad bibo ma do têkoşînê xo rê dewam bikerê.''