Buroyê Huqûqî yê Asrinî bi eşkerayîyêke pêhesnayene ke muwekîlê înan Rayberê Şarê Kurdî  Abdullah Ocalan, Hamîlî Yildirim, Omer Hayrî Konar û Veysî Aktaşî ewro (27.04.2020) merdimanê xo dir bi telefon de qisey kerd.

Keyeyan zî da zanayene  ke rewşa tepişteyan hola û vat seba ke tepişteyan de nêweşîyî estê ê qerqilîyenê. Keyeyanê tepişteyan vat ê do reyna bi telefonî qisey bikerê.

Rayberê Şarê Kurdî  Abdullah Ocalanî badê 21 serran reya verêne telefon de keyeyê xo dir qisey kerd. Mehmet Ocalano ke birayê xo dir qisey derheqê pêvînayîşî de nê vatî:'' Vizêr ma ra vacîya ke ma ewro şirê Serdozgerîya Komare ya Riha. Ma zî ewro şîyî û telefon de qisey kerd. Nizdê 20-25 deqayan ma qisey kerd. Vat rewşa ey hol a û nêweşîye hema nêrasa ûca la beno ke bêro. Tewr zaf derheqê rewşa Başûrî de qisey kerd û semedê yewîya neteweyîye veng da.''