Komeleya Huqûqnasan a Semedê Azadîye (OHD)  Şûbeyê Amedî de derheqê heqê hêvî yê Rayber Apoyî de eşkerayîye daye. Hemserekê Pêroyî yê OHDyî Ekîne Yeter û Serhat Çakmak zî tewrê eşkerayîye bîyî. Hemserekan vengdayîşê Rayber Apoyî vistvîrî û vat ê semedê xebetanê huqûqîyan hazir ê.

Îdarekara Merkezê Pêroyî ya OHDyî Şevîne Kaya eşkerayîye daye. Kaya nê vatî: ''Seba ke vengdayîş bêro caardene ganî semedê akerdişê rayîrê dîyalogî û çareserîya demokratîke  cade lezabez tecrîd bêro wedaretene. Ganî semedê caardişê haştîya mendîye polîtîkayê tecrîdî cade biqedîyê û şertê ci bêrê caardene ke Birêz Ocalan bieşko rolê xo kay bikero. Na çarçewe de heqê hêvî yo ke Mehkemeya Heqanê Merdiman a Ewropa derheqê Birêz Ocalanî de dabi û 10 serrî yo nêameyo caardene ganî nika cade lezabez bêro caardene.''