Polîsan vizêr serê sibayî Amed de eşt bînaya Komeleya Cigêrayîşanê Ziwan û Kulturê Mezopotamya (MED-DER), Payîz Pirtûkî ser û Kooperatîfê Ziwan û Hunerî yê Anka ser. 

Sereştişan de dest nîya kitab, kovar, hard-dîskan ser. Derheqê dosyaya destbendkerdeyan de qedexeyê pêvînayîşê bi avûkatan est o.

Çarçewa tehqîqatî de Îstanbul de Şehrîban Ayluçtarhan û Amed de Niştiman Gul ameyî destbendkerdene. Bi nê hawayî operasyonanê vera dezgehanê ziwan û kulturê kurdan de hûmara kesanê ke ameyê destbendkerdene bîye 25.

Kesê ke ameyê destbendkerdene nê yê: Hemserekê MED-DERî  Mehmet Remzî Azîzoglû û Şukran Yakut, Rifat Ronî, Dîlan Guvenç, Nazane Çelîk, Cîhat Guney, Îlyas Gun, Bêrîtan Gurbet Orak, Mîne Karakaş, Ramazan Holat, Hebûn Yagmûr, Ayhan Karatekîn, Bêrîvan Duman, Mehmet Salîh Ongun, Rabia Karayil, Rêzan Aktulum, Belkisa Bitkîn, Fatma Îgîn. Ahmet Boltan, İpek Oyur, Mustafa Açmaz, Hasan Gorpinar, Şehrîban Ayluçtarhan, Cîhat Çagrici û Niştiman Gul.