Sereka Heyetê Asambleya Parlamenteran ê Rêxistina Hemkarî û Asayîşî ya Ewropa (OSCE) Farahe Karîmîya ke weçînayîşê serekkomarîye yê Tirkîya teqîb kerdê, derheqê babete de ANFyî rê qisey kerd.

Farahe Karîmî ard ziwan ke Erdogan îmkananê îqtîdarî ra bi hawayêkê neheqî fayde kerdo û vat: ''Turê diyînî yê weçînayîşê serekkomarîye de îmkanê ke weçînitoxî ganî mabênê alternatîfanê sîyasîyan ê raştikênan de weçîbayîş bikerê  çin bîyê. Turê yewinî de weşanê medyaya terefgîre û şertê ke seyci nêbîyê, avantajêko neheq da partîya îqtîdarî. Îdareyê weçînayîşî hetê teknîkî ra est o la babeta zelalî û çapemenîye de kêmasîyê cidîyî est ê.

Prosesê kampanya de namzedî nêeşkayî bi hawayêkê azadî kampanyaya xo bikerê. Atmosferêkê winayênî de ke azadîya îfade ameya astengkerdene, hem medyaya taybete hem zî medyaya rayaumûmîye weşananê xo yê serê kampanyayan de bi hawayêkê xoser û bêterefî tênêgêrayî. Ney zî moralê weçînitoxan kêmîna. Roja weçînayîşî bi giranî bêmesele derbaz bîye. La wextê hûmaritişê rayan de tay prosedurî nêameyî caardene.''