Hemvervatox û hemserekê HDK, KCD, HDP, Partîya Çep a Keske û DBP ameyî têhet û derheqê netîceya weçînitişî û xebatanê dewrê verê ma de qisey kerd.

Badê kombîyayîşî eşkerayîye ameye dayene û nê ameyî vatene: "Vera Têgêrayîşê Sîyasîyî yê kurdan Planê Çokdayîşî ame kerdene la vera nê xoverdayîşo xurt ame dayene, yeno dayene. Vera xoverdayîşê azadîye yê kurdan polîtîkayê darbe kewtî dewre. Vera nê hêrişan kurdan cewabê xo yo tewr gird 14 û 28ê gulane de da. Şarê kurdî vera bêstatuyîye û polîtîkayanê înkar û îmha yê rejîmî têkoşîno destankî da. Kurdan sindoq de vera îqtîdarê zilmî tewirê xo mojna, ma nê tewirî silam kenê û soz danê ke ma do dewrê verê xo de bi tewirê xo yê qerardarî xebatanê xo ra netîce bigêrê. Senî ke ma hedef kerdbi wa wina yew serekwtiş dest nêfîna. Ma nê zanê. Ma tim semedê bindestan hêvî yê. Dewre neweyî yê têkoşînî de zî ma do rolê xo kay bikerê ke qederê şaran bewlî keno. Ma reyna sozê serkewtişî danê şar û hemrayanê xo. Ma hêvî xo vînî nêkenê, moralê xo nêxeripnenê. Ma do pîya bi dezgeh û şarê xo tabloyo ke vejîyayo werte bierjnê. Ma dersê ke hewce kenê tira vejê û vera nê rejîmê dişmenê cinîyan, haştîye û xoza têkoşînê dahîna xurt bierê."