Paştdayîşê Taksîmî bi wesîleya serrgêra 10. ya Xoverdayîşê Gezî, verê Odaya Muhendîsanê Elektrîkî de çalakîyêka protestoyî kerde. Wekîlê Partîya Çep a Keske û xeylêk kesî tewrê çalakîye bîyî. 

Akîf Burak Atlarî nameyê Paştdayîşê Taksîmî ser o qisey kerd û vat: ''Ma 10 serrî verî na roje se vatbi nika zî ma heman çî vanê. Her ca Taksîm, her ca xoverdayîş o.''

Sereka Şubeyê Odaya Înşaetî ya Îstanbulî Esîne Koymen eşkerayîye wende û vat: ''Ma bi pawitişê Parka Gezî sereberz ê. Bêedaletî û neheqîye dewam kenê. Ma do hêvî geş bikerê û edaletî bîyarê nê cayî.''

Endamê TKPyî seba çalakîyanê serrgêra 10. ya Gezî barîyeran ra derbaz bîyî, Îsîklal de pankarta 'Sere nêronê' akerde û sloganî vatî. Polîsan hêrişê înan kerd û xeylêk kesî destbend kerdî