Taxa Sucuzade ya qezaya Seyhanî ya Adana de vizêr polîsan Alî El Hemdano sûrîyeyîj (17) kişt. Ame îdîakerdene ke dima ke Alîyî goş nêdayo hîşyarîya 'vindere', polîsan guleyî eştî ci û guleyêk gina qelbê Alîyî ro. 

Otopsîyê Dezgehê Tipê Edlî yê Adana ra dima cenazaya Hemdanî hetê keyeyê ci ra ameye definkerdene. Walîyê Adana Mahmut Demîrtaşî xîret kerd ke polîsê kiştoxî heqdar bimojno û îdîa kerd ke serebût qeza ra bi. Ame parekerdene ke wezîfeyê polîsê kiştoxî ame vindartene.