Grûbêka ke ameya ardene bi Merkezê Pêroyî yê HDPyî, pê hêz polîsan provakasyon kerd. Polîsanê tirkan bînaya HDPyî girewte binê ablûqa û Wekîle Başarane bi qiseyanê 'Ez to desî rê mix kena' tehdît kerde.
Grûbêka ke binê pawitişê polîsan de ameya ardene bi bînaya Merkezê Pêroyî yê HDPyî, waşt bi bahaneya eşkerayîye provakasyon bikera. Grûba bi 3 kesan îdîa kerd ke domanê înan destê PKKyî de yê û pê alayanê tirkan eşkerayîye daye, şîye.
La polîsan bîna nêteriknaye. Endamanê partîye îfade kerd ke polîsî wazenê provakasyon bikera û vera polîsan nêrazîbîyayîşê xo mojna. Polîsan hêrişê girseyê HDPyî kerd.
Wekîl û Vervatoxa Meclîsê Cinîyan ê HDPyî Ayşe Acar Başaran waşt ke eşkerayîye bida. Amîrêkê polîsan pê qiseyanê 'Domanê nînan ça de yê?' waşt provakasyonî rê dewam bikera. Başarane babîyê xo yo ke 90an de cînayetêkê faîlî meçhulî de kişîyabi vist vîrî û vat: ''O çax kiştoxê babîyê mi zî biperse.''
Amîrî naye ser o Başarane rê heqaret kerd û gefî wend û aye rê vat: ''Ez to dêsî ra mix kena.''
Başarane û HDPyija n vera ney nêrazîbîyayîşê xo mojna. Ablûqa dewam kena. Girseyê HDPyî sloganê 'HDP şar o, şar tîya de yo' vera polîsan de vindeno.
Kadın Meclisi Sözcümüz Ayşe Acar Başaran'ı açıkça tehdit eden erkek polisi teşhir ediyoruz. Bir kadının direnişi karşısında aciz kalan bu zat, derhal görevden alınmalıdır. Tüm kadınları bu zehirli dile karşı ses çıkarmaya çağırıyoruz! #ÇivilemekNeHaddine pic.twitter.com/7x1HVwBpNn
— HDP Kadın (@HDPkadin) May 5, 2022
