Polîsanê tirkan Îstanbul de eşt Merkezê Pêroyî yê Kongreya Demokratîke ya Şaran (HDK) ser.

Polîsanê tirkan berê bîna şikit û cigêrayîşan ra dima bîna teriknaye. Dîya zanayene ke çarçewa tehqîqatêkê Serdozgerîya Komare ya Tekîrdagî de sereştiş de dest nîyayo tay materyalan ser.

Ame parekerdene ke çarçewa nê tehqîqatî de 10 şaristanan de polîsa eşt xeylêk keyeyan ser û 43 kesî destbend kerdî.

Nameyê tay destbendkerdeyan wina yê: Îdarekarê Merkezê Pêroyî yê HDPyî Abdurrahman Ozturk, Merkezê Meclîsê Partîye yê HDPyî Kenan Yildiz, Hemsereka verêne ya HDPyî ya Çewlîgî Saadete Firat,  Hemserekê HDPyî yê Kirikkale Yakup Aslan, Îdarekarê HDPyî qezaya Bagcilarî Ramazan Kirkpinar, Hemserekê HDPyî yê Beylîkduzuyî Îrfan Hulaku, Hemsereka HDPyî ya Edîrne Melahate Çelîk, Hemsereka verêne ya HDPyî ya Tekîrdage Aleve Ateş, Îdarekarê HDPyî Omer Guven, Huseyîn Gozen, Emîn Şen û Ercan Ogeday, Îdarekarê MATUHAY-DERî Cîhan Kartal, Îdarekarê GOÇ-DERî Cîhan Kartal.