Eşkera bi ke qedexeyê pêvînayîşî yo ke 13ê nîsane de dîyabi Rayberê Şarê Kurdî Abdullah Ocalanî 18ê teşrîna verêne de bi hawayêkê otomatîkî seba 6 mengan ameyo dergkerdene.

Avûkatanê Buroyê Huqûqî yê Asrinî 18ê teşrîna verêne de muracatê Mehkemeya Înfazî ya Bursa kerd û waşt ke muwekîlê xo bivînê. Avûkatan waşt ke înan rê bêro vatene ke çira pêvînayîşî yenê astengkerdene. Mehkeme naye ser o avûkatan rê vato ke 'qedexeyê pêvînayîşî' est o.

Naye ser o avûkatan 26ê teşrîna verêne de reyna muracat kerd û pers kerd ke ''Eke pêvînayîşê bi avûkatan qedexe nîyo çira ma nêeşkenê muwekîlê xo bivînê?''

Mehkeme narey zî pare kerd ke derheqê Rayberê Şarê Kurdî Abdullah Ocalanî de 21ê teşrîna verêne de cezayêka newîye ya 'qedexeyê pêvînayîşî' ya şeş mengan est a.

Avûkatan ard ziwan ke ceza înan rê nêameya vatene û ê do îtîrazê ceza bikerê.

Avûkatî hewte de di reyî seba pêvînayîşî muracat kenê la cewab nêdîyeno muracatê înan.