Verê serrgêra Komployê 15ê Sibate bi waştişê Rayber Apoyî rê Azadîye û meseleya kurdan rê çareserîya sîyasîye, bajarê Heilbironî yê Almanya ra  ver bi bajarê Strasbourgî yê Fransa hetê ciwananê kurdan û enternasyonalîstan ra Rayraşîyayîşo Dergo dîya destpêkerdene.

Çalakîwanê ke ewro merkezê Heilbronî de ameyî têhet badê eşkerayîya çapemenîye destpê rayraşîyayîşî kerd.Rayraşîyayîş de do derheqê tecrîdê serê Rayber Apoyî de zanayîş bêro dayene û azadîya ey bêra waştene.

Programê rayraşîyayîşî wina yo:11ê sibate Ludwigsburg, 12ê sibate  Stuttgart, 13ê sibate  Offenburg, 14ê sibate  Freiburg û 15ê sibate Strasbourg.

Wextê rayraşîyayîşî de bajaranê cîya cîyayan de do aktîvîteyê wendişî, programê munaqeşekerdişî û semînerî bêrê kerdene.

Rayraşîyayîşê azadîye yo verên ê kurdan Ewropa de raya verêne gulana 1984î de dest pêkerd. Kurdanê ke bajaranê Hanau û Hannverî yê Almanya ra ver bi Bonnî rayraşîyayîş kerd, vera polîtîkayanê şerî yê deveta tirke yê vera Kurdîstanî vengê xo berz kerdbi.