TCŞ û TÊKO-JIN bi şîarê 'Vera îxanet û îşxalî bêrê cengê azadîye' Almanya, Swîsre, Îngîlîstan û Yunanîstan Rayraşîyayîşê Dergî organîze kerdî. Rayraşîyayîşê ke bi coşî ameyî kerdene vizêr qedîyayî.

Almanya de rayraşîyayîşê çar rojano ke bajarê Dortmundî dest pêkerd vizêr Dusseldorf de qedîya. Ciwanan vat ê do tim wayîrê xoverdayîşê gerîlayan bivejîyê.

Îngîlîstan de zî rayraşîyayîşê hîrê rojano ke ciwanan London de kerd vizêr qedîya. Ciwanan semedê çalakîya girde ya ke 11ê hezîrane de do Brîtanya de bêro kerdene veng da.

Yunanîstan de zî rayrşîyayîşê hîrê rojano ke Kampa Lavriroyî de dest pêkerd Atina de qedîya.Çalakwanan verê Konsolosxaneyê Tirkîya de hêrişê îşxalî şermezar kerdî.

Swîsre de zî ciwananê ke hîrê rojî yo rayra şinê vizêr bajarê Bernî de çalakîya xo qedînaye. Ciwanan vat ê do tim wayîrê Rayberîya xo û têkoşînê gerîlayan bivejîyê.