Înîsîyatîfê Kurdîstanî Bipawê (Defend Kurdîstan) vera îşxal û qirkerdişî yê dewleta tirke yê Kurdîstanî Lozanî ra heta Cenevre rayraşîyayîşêk organîze kerd.

 Rayraşîyayîş 10ê temmuze de verê bînaya ke Pêkerdişê Lozanî ame kerdene de dest pêkerd. No pêkerdişo ke 98 serrî verî ame kerdene pê nê Kurdîstan amebi letekerdene. Çalakwanê ke bi şîarê ''Ma vera îşxalê Tirkîya Kurdîstanî bipawê'' rayra şinê vizêr şan resaybî bajarê Morgesî.

Çalakwanî ewro seatanê serê sibayî de reyna dest pê rayraşîyîşî kerd. Çalakwanan verî Parka Azadîye de eşkerayîyêke daye. Qiseykerdişan de ame vatene ke senî Pêkerdişê Lozanî vera kurdan ame kerdene ewro zî wazenê ke nê pêkerdişî aktuel bikerê la ê se kenê wa bikerê şarê kurdî vera hêrişê îşxal û qirkerdişî heta peynî do xover bido.

Badê qiseykerdişan pê slogananê xoverdayîşî çalakwanî kewtî rayîr. Çalakwanî do saetanê şanî biresê bajarê Glandî. Roja dîyin a rayraşîyayşî de bi tewrbîyayîşê hunermendanê TEV-ÇANDî  konser û panel do bêrê kerdene.