Sereka Konseya Merkezî ya Yewîyan Tabîbanê Tirkan (TTB) Şebneme Korur Fîncanci bi îdîaya 'propagandaya rêxistine' 26ê teşrîna verêne de amebî destbendkerdene.  Şebneme Korur Fîncanci ameye tepiştene.

Pîspora Rêxistina Efû ya Mîyanneteweyîye ke Almanya de ya Janine Uhlmannsiek veng da ke wa Fîncanci cade bêşert serbest bêro veradayene.

Janine Uhlmannsiek nê vatî:

''Çalakîya vera Şebneme Fîncani keyfî û sîyasî ya. Têna seba ke bi tewirêkî haştîye fîkrê xo ard ziwan raştê zulmî yena. Şebneme Korur Fîncanci hema hewteyo ravêrte sey dawetkerdîya Rêxistina Efû ya Mîyanneteweyîye  ameye Berlin û sey pawtioxêka heqanê merdiman û pîspora tibê edlîyî pê pîsporîya xo ya jîhate ma pêro binê tesîrê xo de verdayî. Ma sey Rêxistna Efû veng danê ke wa Şebneme Korur Fîncanci cade bêşert serbest bêro veradayene. Ganî Almanya zî tede heme komelê mîyanneteweyîyî şiro Tirkîya ser ke wa tacîzo fermî yê vera  Şebneme Korur Fîncanci bêro qedînayene û cade bêro veradayene. Meqamê tirkan bi hewayêkê sîstematîkî pê sûcdarîya terorî vengê rexnekerdişî yê welatî birnenê.''