Şubeyê ÎHDyî yê Riha de derheqê hêrişanê kîmyewîyan ê dewleta tirke de eşkerayîye meye dayene. Temsîlkarê HDP, DBP, KESK,TMMOB,İKK, OHD, Cehdkerdişê 78an, Komeleya Cinîyan a Yaşamî,  Komeleya Elewîyan a Riha,MYD û Baroyê Riha tewrê eşkerayîye bîyî. Bi nameyê dezgehan eşkerayîye hetê Serekê OHDyî yê Riha Îbrahîm Halîl Oykeyî ra ameye wendene.

Oykeyî vist vîrî ke şuxulnayîşê çekanê kîmyewîyan pê pêkerdiş û protokolanê mîyanneteweyîyî ameyo qedexekerdene û vat:  ''Pê dîmenan yeno vatene ke Tirkîy 2021yî ra nanta Başûrê Kurdîstanî de çekanê kîmyewîyan şuxulnena.  Dîmenê peyêne de ameyî parekerdene nê îdîayan kenê zixm. Şarê herême rîyê nê hêrişan ra qerqilîyenê, tersenê ke qirkerdişo gird bêro kerdene. Prof.Dr. Şebneme Korur Fîncanci seba goreyê hekîmîya xo têgêraye û eşekrayîy wijdanî daye derheqê aye de cipersayîş dîya destpêkerdene ke no nîno qebulkerdene. Şar hinda nêeşkeno nêrazîbîyayîşê xo bîyaro ziwan. Rixmê heme hêrişan û zextan şima nêeşeknê vera cigêrayîşê azadîye û edaletî bigêrê. Şuxulnayîşê çeka kîmyewîye sûcê şerî yo, sûcê merdimîye yo. Rixmê sansurê me nêekeşkenê bêveng bimanê û bibê hemkarê nê sûcî. Ma veng danê  OPCW û dezgehanê eleqedaran ê mîyanneteweyîyî wa derheqê babete cipersayîşî bidê destpêkerdene. Ganî cipersayîşê Dr. Fincanci û qanûnê sansurî cade bêrê wedartene.''