Sereka  Konseya Merkezî ya Yewîya Tabîbanê Tirkan  (TTB) Şebneme Korur Fîncanci seba ke derheqê şuxulnayîşê çekanê kîmyewîyan ê dewleta tirke de qisey kerd sey hedefî amebî mojnayene. Fîncanci ewro serê sibayî ameye destbendkerdene.

Hemserekê Pêroyî yê HDPyî Mîthat Sancarî zî tede  wekîlanê HDPyî ra yew heyetî TTB zîyaret kerd.Sekreterê Pêroyî yê Konseya Merkezî yê TTByî Vedat Bulutî vat paştdayişo ke hetkarîya têkoşînê xoserîye, demokrasî û azadîye keno zaf muhîm o semedê zîyaretî HDPyî rê spas kerd.

Mîthat Sacarî ke badê Bulutî qisey kerd ard ziwan seba ke Serekkomarê Tirkan Recep Tayyip Erdoganî  Fîncanci sey hedefî mojna ra û ferman da hukmî Fîncanci ameye destbendkerdene. Sancarî vat: ''Seba ke Şebneme Korur Fîncani vera polîtîkaya şerî yê îqtîdarî bi hewayêkê qerardarî vindena tim hedef de ya. Çend vervejîyayîşê vera polîtîkaya şerî yeno vilakerdene stratejîyê şerî û tehdîtê îdareyî yê îqtîdarî hende  pûç benê.  TTB û Fîncaci seba ke vera na polîtîka vejîyene yenê hedefgirewtene.  Xora ma pêro neheqîya ke bena vînenê. Wazenê muxalefetî bieciqnê, komelî bêveng bikerê. Destbendkerdişê rojnamegeran û qanûnê sansûrî zî nê semedî ra yê. Ma do tim paştî bidê TTByî. Mamosteya ma Şebeneme Korur Fîncanci semedê ma ercêko pîl a. Ma wayîrê têkoşîn û tewirê aye vejîyenê. Ganî heme hêzê demokrasîyî na babete de berpirsîyarîya xo bîyarê ca û têkoşînê hemparî pîl bikerê.''