Çarçewa kampanyaya îmzayan a vera qedexeyê serê PKKyî de şaristananê Limasol û Larnaca yê Kibrisî de standê îmzayan ronîyayî. Bi taybetî turîstan zaf eleqe mojna standan. Standan de fotografê Rayberê Şarê Kurdî Abdullah Ocalanî û flamayê PKKyî ameyî daliqnayene. 

Vervatoxê Komîsyonê Îmzayan Kamîl Akalinî da zanayene ke înan wird şaristanan de 4 hezar û 295 îmzayî arê dayî û vat: ''Ma bi gamêke nêzdîyê armancê xo bîyî. Nika armancê ma temamkerdişê kampanya yo. Embazê ma yê xebate bi mesuldarî têgêrenê. Her hewte qasê 5 hezar îmzayan arê danê. ''

Akalinî venga şarê kurdî û dostanê înan da ke wa wayîrê kampanya vejîyê û kampanya pîl bikerê.