Tirkîya de turê diyînî yê weçînayîşê serekkomarîye yê 28ê gulane de Recep Tayyîp Erdogan ser kewtbi. Wextê weçînayîşan de rojdemo verên krîzo ekonomîk bi. 19ê gulane de rezervê dowîzî kêmîyabi. Ekonomînas Mustafa Sonmezî derheqê rewşa ekonomî û tesîrê weçînayîşî yê serê ekonomî de ANFyî rê qisey kerd.

Sonmezî bale ante kêmîyayîşê rezervanê dowîzî ser û vat: ''Bêşik meseleya dowîzî est a. Ekonomîya Tirkîya nêeşkena dowîzan qezenç bikera la xerc kena. Tirkîya zafêr teberê welatî ra gêna. Seba ney zî dowîz lazim o. Seba dowîzî waştiş zaf o la pêşkêşkerdiş tay o. Coka dowîz vera beno vay. Hukmat keno ke waştişî kêm bikero û vaya dowîzî kontrol bikero. Seba ney zî xîret keno ke bale bianco lîraya tirkan ser. Seba ney zî ganî faîz biameyêne zêdekerdene. La hukmatî aqsê ci vera faîz kêmîneno.''

Mustafa Sonmezî da zanayene ke sermayedarê mîyanneteweyî wazenê sermayeya xo Tirkîya de bişuxilnê la seba ke rewşa Tirkîya dîyar nîya  vinderte yê. Sonmezî vist vîrî ke weçînayîşê herêmî nêzdî yê coka eşkera nîyo ke Erdogan polîtîkaya faîzê kêmî ra fek vera bido yan ney.

Sonmezî pare kerd ke welat hetê demografîkî ra bîyo di parçe û vat: ''Weçînayîşanê peyênan no mojna ra. Welat de ahengîyêke çin a. Sermayedarê teberî coka verê xo nêdanê tîya. Sermayedarî do rewşe biercnê û goreyê ney bira sermayedayîşî bidê.''