Têgêrayîşê Ciwananê Şorişgêran (TCŞ) û Cinîyan ê Ciwanan ê Têkoşeran (TÊKO-JIN) vera hêrişanê îşxal û qirkerdişî yê dewleta tirke yê serê Kurdîstanî 6 welatan de do Rayraşîyayîşê Dergî bikerê.

Rayraşîyayîşê Swîsre 30ê gulane de do dest pêbikero. Komîteya Amadekarîye bi eşkerayîyêke venga pêro ciwanan da ke wa tewrê Rayraşîyayîşê Dergî bikerê.

Eşkerayîya komîte de bale ameye antene hêrişanê îşxalî yê dewleta tirke û hemkarîya PDKyî ser û wina ame vatene: ''Dewleta tirke nê prosesê şerê Rûsya-Ukrayna ke kena ke hêrişanê vera Başûr û Rojawanî bizêdînê. Ma do çarçewa Hemleya Werin Cenga Azadiyê de Almanya, Îngilîstan, Fransa, Swîsre, Swêd û Yunanîstan de bi şîarê 'Vera îşxal û îxanetî bêrê cengê azadîye' çalakîyanê Rayraşîyayîşê Dergî bikerê. Nê esasî ser o ma venga pêro kurdîstanijan, ciwanan û dostanê xo danê ke tewrê Rayraşîyayîşê Dergî yê 3 rojan bibê.''

Bernameyê Rayraşîyayîşê Dergî yê 3 rojan wina yo:

Roja yewîne:

30ê Gulane, 10:00, Warê 1ê Gulane, Solothurn

Roja diyîne:

31ê Gulane, 10.00, Biel Zentralplatz – Lyss

Roja hîrêyîne:

10ê Hezîrane, 10.00, Zoolikofen-Bern