Artêşa Iraqî hêrişê Asayîşê Ezidxanî û hêzanê YPŞyî kena. KCDK-E, TJK-E û KON-MEDî veng da kurdîstanijan û dostanê înan ke wa cade vejîyê kuçeyan û paştî badê Şingalî.

Eşkerayîye de ame vatene ke artêşa Iraqî ya îşxalkere hêrişê Şingalî kena û semedê paştdayîşê Şingalî ame vengdayene. Vengdayîşî de ame vatene şarê êzidî yo ke tim raştê qirkerdişan yeno nika qirkerdişê bînî dir  rî bi rî yo. Seba ke verê nê qirkerdişî bêro girewtene  ganî kurdîstanijî her ca de vejîyê waran û wayîrê Şiganlî bivejîyê.