Mustafa Koçako ke pê waştişê ''hukmkerdişê adîlî'' 297 rojan ra nata Zîndanê Şakranî de rojeyê mergî de bi ewro dinyaya xo bedilnaye. Semedê Koçakî merasîmêk ame kerdene û dima ra ame berdene Goristanê Kiraç Îstîklalî yê Esenyurtî.

Semedê Mustafa Koçakî Taxa Gazî ya Îstanbulî de merasîmêk ame kerdene. Cenazaya Koçakî bi beyraqa sûre ame piştene û bi sloganan ameye cayê merasîmî. Dayîka Koçakî lawîkî eştê lajê xo ser û kesê ke tewrê merasîmî bîye hesir kerdî war. Cemxaneyo ke cenazaya Koçakî tede bî hetê polîsan ra gerîya binê ablûka û kesanê ke waşt tewrê merasîmî bibê hetê polîsan ra ameyî asntegkerdene. Badê merasîmî cenaza ameye berdene Goristanê Kiraç Îstîklalî yê Esenyurtî û bi dûayan ameye  definkerdene.