Kampanyaya 'Ocalanî rê Azadîye' hetê Sendîkaya Unite the Unionî ya Brîtanya ra ke 1.5 mîlyon endamê ci estê û hetê Sendîkaya GMByî ke 700 hezar endamê ci estê ra yena îdarekerdene.

Hetkarê Sekreterê Pêroyî yê Sendîkaya Unite the Unionî û Endamê Delegasyonê Haştîye yê Mîyaneteweyî Tony Burkeyî  bêvengîya Ewropa ya vera tecrîdkerdişê Rayberê Şarê Kurdî Abdullah Ocalanî rexne kerde.

Burkeyî vat: ''Yewîya Ewropa (YE) û parlamentoya Ewropa (PE) eşkenê vera tecrîdî tewirê xo bimojnê. Tirkîya de dîktatorîye esta la YE vera ney vengê xo berz nêkena. Ocalan Mandaleyê Rojhelatê Mîyanênî yo. Ganî vera bidîyo. Ma hukmatê Îngilîstanî reyde seba naye têkilîye kerde la ma netîce nêgirewte. Partîya Karkeran a Îngilîstanî tim tecrîd ana rojdem. Seba ke YE na babete de gamêke nêerzena xeyalê ma şikîyenê. Ocalan seba çareserîya meseleya kurdan aktorêko tewr girîng o.''

Burkeyî îfade kerd ke ganî Ocalan cade bêro veradayene û vat: ''Nika Biden Serekê Amerîka yo. Dostê ma eşkenê na babete de bala Joe Biden û Kamala Harris biancê. Ma Ewropa de pê rayîrê çapemenîye û kitaban xîret kenê ke kampanyaya xo vila bikerê. Namdarê îngilîzî, kaykerdoxî, muzîsyen û roşnvîrî paştî danê 'Kampanyaya Ocalanî rê Azadîye.' Ma nika janî ra twitter û facebook de xebatanê xo dewam kenê û her platform de waştişê xo yê azadîye anê ziwan. Ma Sekreterê Pêroyî yê Sendîkaya TUC Francis O'Grady û sendîkayanê bînan reyde eşkerayîye daye çapemenîye.''

Burkeyî peynîya qiseykerdişê xo de vat ke ê do janî ra dima bêrê Tirkîya. Burkeyî vat: ''Ma do Ocalan na girawe de têna nêverdê.''