Sendîkaya Şewatkaran û Muhendîsanê Lokomotîfî (ASLEF) ya ke sendîkayanê tewr pîlan ê Brîtanya ra yew a, semedê azadîya Rayberê Şarê Kurdî Abdullah Ocalanî veng da.

ASLEFî bajarê  Bournemouthî yê Îngîlîstanî de kongreya xo kerde. Xeylêk rayberê sendîkayanê cîya cîyayan, wekîlî û temsîlkarê rêxistinanê  komelê sîvîlî zî tewrê kongreyî bîyî.

Sendîkaya ke 25 hezaran ra zafêr endamê ci est ê, delegeyanê ke kongre de posterê Rayberê Şarê Kurdî kiriştî û azadîya ci waşte.

Endamê Heyetê Rayberdişî yê ASLEFî Marz Colombiniyî ke kongre de qisey kerd, bale ante rewşa Ocalanî ser û vat: ''Ocalan 1999î ra nata binê tecrîdê giranî de yo. Rewşa ey û Nelson Mandella sey seycîye ya.  Ma sey ASLEFî bibî tewrê kampanyaya Ocalanî rê azadîye û semedê paştdayîşê Ocalan û şarê kurdî ma ewro posteranê Ocalanî kenê berz.''

Delegeyan dima ra pê posteranê Ocalanî fotografî antî.