Bajarê Brîghtonî yê Îngîlîstanî de vizêr Kongreya Sendîkayan ameye viraştene. Kongre de semedê azadîya Rayberê Şarê Kurdî Abdullah Ocalanî çalakîya paştdayîşî ameye viraştene.

Çalakîya paştayîşî de kongre de temsîlkaranê sendîkageran pêro pîya posterê ke ser o ‘Ocalanî rê Azadîye‘ nuştebi kerdî berz û şarê Kurdî rê paştdayîşê xo ramojna.

Sazgehî heman mesaj serê hesabê xo yê twîtterî ra zî pare kerd.

Yewîya Sendîkayanê Brîtanya (TUC) a ke 50 sendîkayan û 5.6 mîlyon endamanê înan temsîl kena, serra 1868 ra nata nê gureyê sendîqayan domnena.