Şirnex, Îstanbul û Mersin de opersyonê qirkerdişê sîyasîyî ameyî kerdene,  xeylê kesî ameyî destbenderkdene.

Çarçewaya tehqîqatê ke Serdozgerîya Komare yê Dîyarbekîrî dayo destpêkerdene de avûkatê Komeleya Huqûqnasan a Semedê Azadîye (OHD) Volkan Bilece Mersin de û Hebun Hakan Akkaya zî Îstanbul de ameyî destbendkerdene. Dîya zanayene ke Akkaya ame derbkerdene, raştê heqaretî ame û bi kelemçeyanê peykî ame berdene Mudirîya Polîsan a Bajarî. Yeno pawitene ke avûkatî do bêrê berdene Amedî.

Mersin de zî bi hewayêkê hemwextî xeylê keyeyî ameyî sereştene. Qezaya Tarsusî de Çigdeme Kiliç û Taner Ayten bi îdîaya ''propagandaya rêxistine'' ameyî destbendkerdene. Qezayanaê Akdeniz û Toroslar de zî İbrahim Beştaş, Yusuf Atay, Şoreş Tugrul  Devrim Tugrul ameyî destbendkerdene.

Qezaya Cizîrî ya Şirnexî de zî sereştişê keyeyan de xeylê kesî ameyî destbendkerdene. Zehra Aslana ke dayîka gergûşa/ê  9 mengan a û Yusuf Alkan zî mîyanê kesanê ke ameyî destbendkerdene de yê. Yeno pawitene ke bajar de hûmara destbendkerdeyan bizêdîyo.

Ceyhanê Adana de zî kesê ke vizêr rîyê parekerdişê medyaya sanele ra ameybî destbendkerdene înan ra Mehmet Barac bi îdîaya ''propagandaya rêxistine'' ame tepiştene û kesê bînî bi şertê kontorlê edlîyî ameyî veradayene.