Partîya Karkeran a Kurdîstanî (PKK) ya ke 27ê Teşrîna Peyên a 1978î de dewa Fîsî ya qezaya Licê ya Amedî de ameye ronayene wesîleya serrgêra ronayîşê ci ya 44. vizêr bajarê Frankfurtî yê Almanya de şayîyêke ameye kerdene.

Şayî de Hemserekê FEDA Demir Çelikî qisey kerd. Çelikî vat: ''Seba ke bêrê nê rojan zaf bedelî dayî û hema zî danê. Têkoşînê 45 serran zaf çî bedilna. Dewleta tirke ya îşxalkere ewro vera gerîlayan pê desturê Yewîya Ewropa û NATOyî çekanê kîmyewîyan şuxulnena. Reyna PDK û keyeyê Barzanî zî paştî danê dewleta tirke û verê hêrişanê kîmyewîyan akenê. Ma kurdî na xayînîye qebul nêkenê. Rêxistina Qedexekerdişê Çekanê Kîmyewîyan (OPCW) wezîfeyê xo bîyaro ca.''

Demîr Çelîkî tewr peynî de semedê tewrbîyayîşê Dusseldorfî yê 12ê teşrîna peyêne veng da.

Hunermendî Serhat Çarnawa, Besere Şahîn û Hozan Kawa zî pê deyîranê xo tewrê şayîye bîyî.  Şayî de sloganê “Bijî Serok Apo”  ameyî eştene û pê gonvende û tîlîlîyan qedîyaye.