Bajarekê Tilqebînî yê qezaya Silopî ya Şirmexî de vera hêrişanê pê çekanê kîmyewîyan yê dewleta tirke yê vera Gerîlayanê Azadîye yê Kurdîstanî  Rayraşîyayîşê Merdimîye yeno kerdene.

Rayraşîyayîşo ke hetê KCD, TJA, DBP, HDP,MED TUHAD-FED,MEBYA-DER,MKM, Platformê Barkerdişî û Têgêrayîşê Ekelojî yê Mezopotamya ra yeno kerdene  bi hezaran kesî tewrê ci bîyî. Rixmê heme astenkerdişan şar pê slogana "Bijî berxwedana Zapê" rayra şino.

Verê despêkerdişê rayraşîyayîşî heme rayîrê ke şinê  Berê Sînorî yê Xabûrî hetê bi seyan leşker û polîsan ra ameyî girewtene. Hemserekê Pêroyî yê DBPyî Salîha Aydenîz û Keskîn Bayindir zî tede bi  hezaran kesî nuqtayanê cîya cîyayan de ameyî têhet ver bi banê HDPyî yê Tilqebanî kewtî rayîr. Bi seyan kesanê ke astengî nas nêkerdî dere qilan ra resayî Tilqebînî.

Leşkeran pê awa tazîqîn û bombayanê gazî hêrişê şarî kerd. Rixmê nê şar vila nêbi û rayraşîyîş bi tewrbîyayîşê seyan kesanê bînan dest pê kerd. Bi hezaran pê  slogananê Bijî Serok Apo", "Bijî berxwedana Zapê", "PKK şar o, şar tîya de yo " û  "Bijî berxwedana gerila"  ver bi Rêya Armûşê dest pê rayraşîyayîşî kerd. Leşkeran hêriş kerd. Şar rayîr trafîqî rê birna û reyna kuçeyan ra vila bi.

Binê hêrişê leşkeran de şar reyna ame têhet.  Guleyê plastîkî yê leşkeran îsabetê sîneyê Wekîla HDPyî Nûrane Îmîr kerd. Kuçeyanê bînan de pê sloganan û tîlîlîyan gonvende ameye girewtene. Vera hêrişî têkoşîn çend şi girdêr bi. Şarî kuçeyan de barîkatî nayî ro û pê kerayan cewab da hêrişan. Leşkeran verê HDPyî de têdima guleyî teqnayî tay kesî destbend kerdî. Leşkeran pê gazî hêrişê yew veyveyî zî kerd. Tay rojnamegeranê ke rayraşîyayîş teqîpkerdene ê zî raştê hêrişî ameyî. 

Badê têkoşînê ke bi saetan kuçeyan de dewam kerd, leşkeran eşet xeylêk keyeyan ser. Sereştişan Sekreterê ÎKKyî yê TMMOByî yê Mêrdînî Aydin Aslan, Hemserekê HDPyî yê Mersinî Mustafa Bozan, Temsîlkarê BESî yê Mêrdinî Mehmet Emîn Ozel,  Beytocan Kirici, Sumeyye Kirici, Îbrahîm Kizilay û Cahît Delek zî tede bi desan kesî destbend kerdî.