Komîteya Mîyanneteweyî ya Sosyalîstanê Demokratîkan ê Amerîka (DSA) eşkerayîyêke daye û peymana ke seba endamîya Fînlandîya û Swêdî ya NATOyî Tirkîya reyde ameya kerdene, şermezar kerde û waşt ke PKK lîsteya terorî ra bêro vetene.
DSAya ke senatorê Amerîka Bernie Sanders endamê ci yo, eşkerayîyêka nuştekîye weşanaye û peymana NATO-Tirkîya şermezar kerde. DSA vera rotişê çekan û girankerdişê tedaya vera kurdan, porsesê endamîya Swêd û Fînlandîya nêrazîbîyayîşê xo mojna. DSA waşt ke PKK lîsteya terorî ra bêro vetene û ambargoyê vera Sûrîye bêro wedaritene.
Eşkerayîye de ame vîrvistene ke Tirkîya endamîya NATOyî ra hêz gêna, Sûrîye û Iraq de hêrişê kurdan û şaranê bînan kena. Eşkerayîye de ame parekerdene ke gama hîrabîyayîşî ya NATOyî bîya sebeb ke Tirkîya tedaya vera komelanê dîaspora yê Swêd û Fînlandîya bikera. DSA pare kerd ke bi nê hawayî tarîxê gemarinî yê NATOyî de rîpelêko newe abeno û paştdayîşê polîtîkayanê faşîstan zêdîyeno.
DSA waşt ke Tirkîya rê rotişê çekan bi temamî wa bêro vindarnayene û Sûrîye û Iraqî ra hêzê xerîbî wa vejîyê.
DSA waşt ke PKK lîsteya terorî ra bêro vatene û ard ziwan ke nêbeno ke têkoşîno çekdarî yê PKKyî sey terorîzmî bêro ercnayene.
