Muxabîrê Tirkîya yê televîzyonê dewlete yê Swêdî (Svt) Thomas Thorenî bi sernameyê ''Tirkîya de sûcdarî vera dîyayî la rojnamegerî vera nêdîyayî'' keyepelê televîzyonî de maqaleyêke nuşte. Thorenî  maqaleya xo de qaya kampanyaya rêxistinanê heqanê merdinab a seba muxabîran û muxalîfan kerde û îfade kerd ke hukmatî goş nêdano nê vengdayîşî.

Rojnameger û nuştox Kurdo Baksîyî zî rojnameyê Svenska Dagbladeyî yê Swêdî de derheqê heman babete de nuşt û vat ke Erdoganî kiştoxê cinîyan, dizdî, mafyayî vera dayî la nuştoxî, rojnamegerî û wekîlî vera nêdayî.

Maqaleyêka Kurdo Baksî û Murat Kuseyrîyî de zî Federasyonê Rojnamegeran ê Swêdî ame rexne kerdene ke vera tedaya dewleta tirke bêveng o. Venga rêxistine ame kerdene ke bêveng nêmano û paştî bido rojnamegeran.

Rojnameger Bariş Pehlîvanî zî Kongreya Federasyonê Rojnamegeran ê Swêdî de qisey kerd û vat efûya Erdoganî ra dizdî, kiştoxî, bazirganê kundoxî fayde vînenê ka rojnamegerî, akademîsyenî, hemşaredarê HDPyî, sîyasetmedarê sey hemserekê verênî yê HDPyî fayde nêvînenê.