Xeylê bajaranê Almanya, Fransa û Swîsre de têhetameyîşê şarî ameyî kerdene. Kombîyayîşan de tecrîdê serê Rayber Apoyî û hêrişê îşxalî yê vera Kurdîstanî ameyî şermezarkerdene û semedê rayraşîyayîşê gîrdî yo ke do 15ê sibate de Strasbourg de bêro kerdene ame vengdayene.

Bajarê Grenchenî yê Swîsre de seba ke rewşa aktuele şarî reyde bêro parekerdene têhetameyîşêk ame organîzekerdene.

Hemsrekê KONGRA-GELî Remzî Kartalî ke têhetameyîşî de qisey kerd, bale ante muhîmîya rêxistinkerdişî ser û vat: ''Eke ma paradîgamaya Rayber Apoyî bîyarê caardene ma eşkenê çar parçeyanê Kurdîstanî de zî aver şirê. Nika Rayberîye pêvînayîşan keno. Rojawan, Başûr û Rojhelat de xoverdayîşê şarê kurdî est o. Eke ma Ewropa de dezgehanê xo goreyê paradîgmaya Rayber Apoyî rêxistine bikerê ma eşkenê yewîya neteweyîye ya kurdan bîyarê ca.''

Bajarê Reimsî yê Fransa de zî çalakwananê Rayraşîyayîşê Dergî roja 20. ya çalakîya xo de têhetameyîşê şarî organîze kerd.

Bajarê Heilbronî yê Almanya de zî ciwanê ke semedê rayraşîyayîşê ver bi Strasbourgî ameyî têhet derheqê Komployê Mîyanneteweyîyî û azadîya Rayber Apoyî de semînerêk organîze kerd.

Freiburgê Almanya de zî bi tewrbîyayîşê sîyasetmedaran Nilufere Koç û Musa Farisogullari têhetamayîşê şarî ame kerdene.

Darmstadtê Almanya de zî bi tewrbîyayîşê Hemsereka KCDK-E Zubeyde Zumrut û Avûkatê Rayber Apoyî Omer Guneşî têhetameyîşê şarî ame kerdene.

Bajarê Strasbourgî yê Fransa de zî bi tewrbîyayîşê Sîyasetmedar Cuma Takî têhetameyîşê şarî ame kerdene.