Çarçewa tehqîqatê Serdozgerîya Komare ya Tekirdagî de 3ê hezîrane de 36 sîyasetmedarê kurdî ameybî destbendkerdene. 36 sîyasetmedaran ra 13 kesî bi îdîaya 'endamîya rêxistine', 'propagandaya rêxistine' sewqê Hakîmîya Cezaya Sulhe ameyî kerdene.

Mehkeme de 13 kesan ra 8 kesî Seyît Soydan, Sadî Ozdemîr, Murat Mutlu, Huseyîn Guzel, Omer Guven, Emîn Şen, Saadete Firat û Emîn Orhan tepişîyayî; Abdurrahman Ozturk, Tuncer Rençber, Muzaffer Cebek, Adnan Çavaş bi şertê kontrolê edlîyî vera dîyayî. Aqîbetê Îlyas Karaçayirî nêzanîyeno.

Ame parekerdene ke Sadî Ozdemîr  se ra 92 astengdar o û pê tupê oksîjenî eşkeno nefes bigêro.

Hemsereka verêna a HDPyî ya Çewlîgî Saadete Firat zî  nêweşa kanserî ya û xeylêk wexto tedawîya kemoterapî vînena.

Hetê bînî ra dîya zanayene ke 18 kesê bînî zî do sewqê edlîye bêrê kerdene.