Derheqê ambargo û hêrişanê vera Îdareyê Xoserî de çarçewa paştdayîşî de xeylêk merkezanê Ewropa de pêvînayîşî yenê kerdene. Nê esasî ser o ewro zî şaristanê Cenevre yê Swîsre de Temsîlkarîya Îdareyê Xoserî yê Rojawanî ya Swîsre û Merkezê Komelê Demokratîkî yê Kurdan ê Lozanî Şaredarîya Veveyî reyde pêvînayîş kerd.

Heyetê Îdareyê Xoserî de Wezîrê Îdareyê Herêmî ra Berpirsîyar Cîhat Omar, Temsîlkara AANESî Medea Hasan û Hîkmet Îbrahîm estbîyî. Heyet Hetkarê Şaredara Veveyî Gabriella Kamepf reyde ronişt.

Omarî pêvînayîş de derheqê hêrişanê dewleta tirke, birnayîşê awe û ceyranî yê herême û ambargoyî de agahîyî dayî.

Pêvînayîş de qala têkoşînê herême yê vera DAÎŞî, sîstemê demokratîk, ekolojîk û azadîgîra cinîyan ameye kerdene û veng ame dayene ke wa merdimî paştî bidê projeyanê averberdişê herême.

Temsîlkaranê AANE seba ke şaredarîyanê şorişgêran û demokratan ê Ewropa reyde têkilîyan geş bikerê û projeyan biafernê Swîsre de pêvînayîşî qedînayî. Ewro temsîlkarî do şaredaranê Stockholmî reyde ronişê.