Serekê Komeleya Heqanê Merdiman (ÎHD) ê Wanî Mehmet Karataşî derheqê binpaykerdişê heqanê tepişteyan û tecrîdî de ANFyî rê qisey kerd.

Karataşî ard ziwan ke zîndanî bîyê gulokê meseleyanê nêçareserîyeyan û vat: ''Zîndananê Tîpê Fyî û asayîşê zêdeyî ra dima heqê serekeyî yê tepişteyan zî ameyî vindertene yan zî wedarîyayî. Îqtîdarê sîyasîyî vurîyenê la îdeolojîya fermîye nêvurîyena. Qelsîya mewzuata qanûnîye zî qestî ra sey qelsî verdîyena. Mumkîn nîyo ke binê nê şertan de heqê tepişteyan bêrê caardene. Tepişteyê nêweşê giranî ameyê a aste ke nêeşkenê lazimîya xo bi xo bîyarê ca.''

Karataşî pare kerd ke Dezgehê Tipê Edlîyî dezgehê weşîye ra zêdêr sey dezgehêkê sîyasî têgêreno û bi raporanê 'eşkenê zîndan de bimanê' tepişteyanê nêweşan beno mergî. Karataşî vat: ''Îşkence rê vervejîyayîş beno sebebê binpaykerdişê heqanê merdiman, nimnayîşê cuya taybete û binpaykerdişê heqê bidestvistişê xizmetê weşîye.''