Zindanê Kurkçulerî yê Adana de tepişteyan hêrişê kîmyewîyî protesto kerdî. Tepişteyan bi rayîrê keyeyanê xo mesajêk şawit û vat: ''Ma do vera nê hêrişan bêveng nêmanê.''

Mesajê tepişteyan wina yo:

''PDKyo ke nê hêrişanê îşxalî de seba menfaetanê xo têgêreno, operasyonanê îşxalî de cagirewt û nê qirkerdişî de rolêko zelal kay kerd. PDKyî ganî verê nê hêrişan bigirewtêne. Şarê kurdî do nê îxanetê PDKyî vîr a nêkero û qetî hesabê bi biperso.

Dezgehê mîyanneteweyî zî ganî pê qefilnayîşê çim û goşanê xo nêbê şirîkê nê sûcanê vera merdimîye û mesuldarîyê xo bîyarê ca. Senî ke Qirkerdişê Helebçe de bi hezaran kurdî pê kîmyewîyan ameyî qetilkerdene ewro zî yeno waştene ke qirkerdiş bêro kerdene. Ganî qetî şirîkîya nê hêrişanê barbaran nêra kerdene. Artêşa tirke bi hêrişanê winasênan wazena şarê kurdî qir bikera. Ma do vera nê hêrişan bêveng nêmanê û venga şarê xo danê ke vera nê hêrişanê barbaran tewirê xo pîlêr bikero û cewabê hewcedarî bido.''