Zîndanê Ereglî yê Konya de 28ê teşrîna verêne ya 2022yî de tepişte Yakup Brukanliyî vera tecrîd û kerdişanê xiraban bedenê xo dabi adirî ver. Yakup Brukanliyî embazanê xo yê Zîndanê Sîncanî rê mektubêk şawit û qala çîyo ke ameyo serê ci kerde.

Mektub de Brukanli vano ke ê sey 15 tepişteyan ameyê Ereglî û cade erzîyayê hucreyê yewkesî. Brukanli mektub de vano ke Ereglî de îşkence roja înan a verêne ra tim est bîyo û rixmo ke înan xeylêk reyî muracat kerdo qetî cewab nêdîyayo înan. Brukanli mektub de ano ziwan ke vera na rewşe ey dest pê grevê vêşanîye kerdo û vano: ''Vera her tewirê hêrişî ganî merdimî nasname û rûmetê xo bipawê.''

Brukanli mektub de vano: ''Bedenê mi de se ra 30-35 birînî est ê. Asta 1, 2 û 3yî de şewatî est ê. Wexto ke ez wedarîyay nêweşxane mi verî tedawî qebul nêkerd. Teyna birînê mi pêşîyayî û dima ez erşawîyaya. Ez rojane revîr de pansuman bena. Şewatê asta diyîne hol bîyê. Şewatê asta hîrêyîne zî bîya asta diyîne.''