Têgêrayîşê Cinîyan ê Kurdan ê Ewropa (TJK-E), NAV-BEL û DEM-NED verê OPCWyî de çalakîya nobete ya vera hêrişanê kîmyewîyan ê dewleta tirke yê serê gerîlayan rê dewam kenê. 

Enternasyonalîstan zî waşt ke vizêr tewrê çalakîye bibê la hetê polîsan ra ameyî astengkerdene. Enternasyonalîstan waşt dosyaya ke tede delîlê şuxilnayîşê çekanê kîmyewîyan est ê teslîmê OPCWyî bikerê. 

Rixmê astengîye de Hemserekê KCDK-E Yuksel Koç û heyetê ci dima waşt dosyaya delîlan pêşkêş bikerê la reyna xîretê înan ame astengkerdene.

Çalakîkeran vera tewirê polîsan nêrazîbîyayîşê xo mojna û îfade kerd ke dezgehê OPCWyî hemkarê hêrişanê dewleta tirke yê.