Sîyasetmedarê kurdan û temsîlkarê dezgehan derheqê çalakîya vera hêrişanê kîmyewîyan a ke do 12ê teşrîna peyêne de Dusseldorf de bêro kerdene  ANFyî rê qisey kerd.

Hemsereka KON-MEDî Zubeyde Zumrut: Bêrê ma a roje cuye vindarne û bêvengîya vera çekanê kîmyewîyan bişikinê. Wa her kes vînê ke gerîlayî bêwayîr nîyê.

Endamê Konseya Rayberdişî ya KCKyî Zubeyîr Aydar:  Ma pêro pîya verê xo bidê Dusseldorfî û bêvengîya vera hêrişanê kîmyewîyan bişikinê.

Hemserekê KNKyî Ahmet Karamus: Hêrişê kîmyewîyî yê zaf giranî yenê kerdene ganî her kes vera nê hêrişan tewrê çalakîye bibo.

Hemşaredarê Êlihî yo verên Nejdet Atalay:  Dişmenê ma nê dewrî sey dewrê esbîyayîş û çînbîyayîşî hesibneno, bêşik semedê ma zî wina yo. Coka ganî her hes çîyo ke destê ci ra yeno bikero.

Hemşaradarê Sûrî yo verên Abdullah Demirbaş:  Seba ke şêro leymin biqedîyo, çekê kîmyewîyî merê şuxulnayene, semedê azadîye û haştîye, semedê yewîya kurdan û Kurdîstanî ma do 12ê teşrîna peyêne de Dusseldorf de bê.

Vervatoxa PDK-Syî yê Ewropa Bave Narîn: Eke ma vera hêrişanê kîmyewîyan mevejê ma zî do bibê hemkarê sûcanê dewleta tirke.

Pîrê elewîyan Velî Dede: Tarîxê ma vera xîyanet, qirkediş û zulmî tarîxê serewedaritişî yo. Ewro tehluke dahîna pîlo, coka ganî ma zî têkoşînî pîlêr bikerê.

Temsîlkarê Partîya Çepa Hewze yê Ewropa Mehmet Cengîz: Ma hewceyê yewîye yê. Ganî ma warê têkoşînî dahîna bikerê hîra.

Hemsereka CDK-Fyî Xane Dogane: Şervanê ma hêzê pawitişê ma yê. Şervanê ma rumetê ma yê. Bêrê ma pêro pîya wayîrê gerîlayan bivejîyê.

Sîyasetmedaro kurd Hatîp Dîcle: Kurdî tarîx nusenê. Dewrê winayênî de ganî her kes berpirsîyarîya xo bîyaro ca. Tewrbîyayîşê çalakîya Dusseldorfî zî wezîfeyêko muhîm o.