Têgêrayîşê Cinîyan ê Kurdan ê Ewropa (TJK-E) bi wesîleya 1ê Teşrîna Peyêne Roja Kobanê ya Dinya eşkerayîyêke daye û seba tewrbîyayîşê çalakîya Den Haagî veng da.

TJK-E da zanayene ke dewleta tirke ya îşxalkere Herêmanê Pawitişî yê Medya de pê çekanê kîmyewîyan hêrişê gerîlayan kena la OPCW vera ney erkanê xo nêano ca. TJK-E vist vîrî ke dewleta tirke seba ke sûcê xo binimna Şebneme Korur Fîncanci tepişta ke waştêne hêrişê kîmyewîyî bêrê cigêrayene.

TJK-E bale ante ser ke OPCW û Neteweyê Yewbîyayeyî qestî ra vera hêrişanê kîmyewîyan ê dewleta tirke bêveng manenê û vat: ''Verê OPCWyî de îmtîhanêko pîl est o. Ganî OPCW goreyê prensîbanê xo têbigêro. Ganî Komîteya Doktoran a OPCWyî goş bida waştişê cigêrayîşî yê IPPNWyî. 

1ê teşrîna peyêne de Den Haagê Hollanda de ma venga OPCWyî bidê ke erkanê xo yê globalan û huqûqîyan bîyaro ca. Ma venga cinîyan ê kurdîstanijan, şarê ma, pêro meclîsan, înîsîyatîf û beşan danê ke tewrê nê rayraşîyayîşî bibê. A roja wa şarê ma nêşoro dibistane, kar û tewrê çalakîye bibo. 1ê Teşrîna Peyêne Roja Kobanê ya Dinya de ma bi ruhê Kobanê tewrê çalakîye bibê.''